Gedichte

Min Chlaus wie bin-i froh,

dass du au zu mir bisch cho,

dass du mir mit guete Sache

ganz e grossi Freud wetsch mache.

Mit em «Folge» weiss i scho

dörftis mängs mal besser goh.

Weisch i ha halt s Händli wäsche

öppe scho emal vergässe!

Hüte sind sie suber! Lueg!

Samichlaus, gäll gisch mir gnueg

Guetzli, Nuss und Zimmetstärn,

weisch, denn ha di richtig gärn

----------------------------------------

I bi en chline Stumpe,

tue gärn chli umegumpe,

e Lumpeornig mache

mit mine viele Sache.

Tue mängsmol gar nid lose,

ha Fläcke a de Hose,

tue viel mal umestah

statt weidli hei-zue gah.

Doch darfsch du s Mueti fräge,

i tue keis Tierli plage.

Drum Chlaus bis so en Guete,

verschon mi vor de Ruete!

Bring doch nur gueti Sache,

wie tätsch du Freud mir mache!

Und gäll, säb weisch sit färn,

i ha mis Mueti gärn!

----------------------------------------

Dur Ys und Schnee vom Bärgwald här

chunsch du hüt zu üs Chind,

cho luege wie s eus öppe göng

und ob mir artig sind.

Bis rächt willkomme liebe Chlaus

i eusem chline Huus.

Gäll gahsch nöd z fescht mit eus is Gricht,

läär lieber s Säckli us!

Macht s Folge öppedie eus Müeh

und gahts nöd immer guet,

probiere tüend mirs allewil

mit täglich neuem Muet.

Drum Chlaus, tue ja nöd schimpfe hüt,

läär bitte s Säckli us,

nimm eusen Dank - und gang doch au

zum Chind im Nachberhuus!